«Қазақтың хас батыры, бас батыры»

18 ақпанда «Қазақтың хас батыры, бас батыры» атты онлайн форматта тарихи кеш ұйымдастырылды. Абылай хан туралы қызықты деректер берілді.

Абылай хан -үш жүздің қолдауымен Қазақ хандығының ханы атанған Көркем-Уәли сұлтанның ұлы, Қанышер Абылайдың немересі,Барақ ханның ұрпағы. Шын есімі - Әбілмансұр.13 жасында болғанда, оның әкесі тақ үшін күрес кезінде көз жұмып, Әбілмансұр Түркістанға қашуға мәжбүр болады.Жетім қалғаннан кейін, Төле бидің қамқорлығында болып, оның түйелерін бақты.Бұл кезенде оны Сабалақ деп атаған. 20 жасында Жоңғар батыры Шарышты жекпе-жекте жеңген соң, Орта жүз сұлтаны болып жарияланды. Халық оны атасының құрметіне Абылай деп кетті. Үш жүздің басын біріктіріп, 1771 жылы хан болып жарияланды.Оның 12 әйелі, 30 ұлы және 40 қызы болған.1781 жылы 70 жасында қайтыс болып, Қожа Ахмет Ясауи кесенесінде жерленді.