"Халық сүйген қаламгер"

Ұлт мақтанышы, жазушы, драматург Мемлекеттік сыйлықтың лауреаты, қазақ әдебиетінің тарланы, роман жанрының майталманы Ілияс Есенберлиннің туғанына биыл 105 жыл толып отыр.Осыған орай Босаға ауылдық кітапханасында 3 ақпанда «Дала тарихының дауылпазы» атты кітап көрмесі қойылып, «Халық сүйген қаламгер» атты өмірі мен шығармашылығы туралы әңгіме айтылды.

Ұлы жазушы – қазақ әдебиетінде ең алғашқы болып тарихи оқиғалар арқылы сол заманғы қиын кездегі тұрмыс – тіршілікті көркем суреттеу арқылы кейінгі ұрпаққа жеткізу және ұлт рухын көтерген қазақ әдебиетінде ерекше орны бар дара тұлға. Жазушының «Көшпенділер» және «Алтын орда» трилогиялары көпшілікке танымал.