"Мемлекеттік рәміздер -ұлттық мақтанышымыз"

4- маусым күні сағ. 15.00- де Босаға ауылдық кітапханасында Қазақстан Республикасының Мемлекеттік Рәміздер күніне орай «Мемлекеттік рәміздер- ұлттық мақтанышымыз» атты тәрбие сағаты өткізілді.

Бүгінгі іс-шараға 4-5 сынып оқушылары қатысты. Тәрбие сағатымыз әнұранды орындаумен басталды, Мемлекеттік рәміздердің шығу тарихы және авторлары жайында мәлімет айтып, оқушыларға таныстырып өттім.Оқушылар өздерінің Отан, жер туралы тақпақтарын, мақал-мәтелдерін айтты.Әрі қарай, оқушылар үш топқа бөлінді, олар «Көк аспан» тобы Мемлекеттік Ту туралы, «Алтын дән» тобы Мемлекеттік Елтаңба туралы және «Қыран» тобы Мемлекеттік Әнұран туралы жинақтаған деректерің ортаға салды. Оқушылар «Көк тудың желбірегені», «Елтаңбасы елімнің», «Атамекен» әндерің орындады. Мемлекеттік рәміздердің белгілері туралы «Кім зерек ?», «Сіз білесіз бе ?», «Мақал- мәтелдер айтып көрейік» сұрақ –жауап ойыны өтті. «Рәміздер- тәуелсіздік белгілері» атты кітап көрме ұйымдастырылып, шолу жасалды.

Мемлекеттік рәміздерді қадірлеу, Тәуелсіз Қазақстанның әрбір азаматының қасиетті борышы. Мемлекеттік рәміздерді құрметтеу – елді, халықты, тарихты, әдет-ғұрыпты, салт-дәстүрді қастерлеу болып табылады.